Kevredigezh

GOULENNAOUEG

Graomp anaoudegezh !
Pediñ a reomp ac’hanoc’h da respont d’ar goulennaoueg evit gouzout un tamm muioc’h ho c’hortozioù, ho c’hoantoù hag ho liammoù gant ar gevredigezh.

Goulennaoueg klikit amañ

PALIOÙ AR GEVREDIGEZH

Pal kevredigezh "Kreizenn ar son" a zo dihuniñ d’ar selaou, kizikaat an dud gant pep stumm ar son (bezañ emouez ouzh ar c’hleved, son ar vevliesseurted, gweledvaoù ha glad son, diwall ouzh ar c’hleved, krouidigezhioù son, sonerezh).
Krouiñ, diorren ha lakaat da vevañ a ra binvioù dibar hag obererezhioù pedagogel azasaet ouzh publikoù a bep seurt, en ur spered desavadurel ha c’hoariel. Krouiñ ha skignañ a ra ivez krouidigezhioù son, danvezel ha speredel.

TALVOUDOÙ AR GEVREDIGEZH

Ar gevredigezh a ro ur plas kreiz d’an diorren hiniennel en he obererezhioù a bep seurt. Ar gopridi hag an dud a-youl vat a gemer harp war ar skiant-prenet hag ar sevel a-stroll evit :

Broudañ dihun an dud d’ar bedoù son.
Merañ an darempredoù etre an dud hag ar c’henlabour e-barzh ar gevredigezh.
Teurel evezh ouzh kalite, paduster ha diorren ar postoù-labour.

Evit ar gevredigezh, n’hallomp ket dispartiañ an dihun d’ar selaou d’an dihun d’an natur : N’eus ster ebet da warezidigezh ar sonioù nemet e framm gwarezidigezh al lec’hioù ma vev an dud hag al loened hag ar plant a gresk enno.
Ar gwriziennañ er vro a zo un dalvoudegezh pouezus evit ar gevredigezh. Emañ e-barzh ur rouedad frouezhus a darempredoù gant an dilennidi, ar c’hevredigezhioù, an obererien ekonomikel ha tud ar vro m’emañ staliet. Dre-se e vrud implij ar brezhoneg dre gomz ha dre skrid (panellerezh, buheziñ ar strolladoù, abadennoù sevenadurel) ha neuze stummadur ar c’hopridi.

BUHEZ AR GEVREDIGEZH

Bilañs moral ha danevell obererezh 2023
Emvod Veur 2023